GRRINTA

bend ki sviri Žminjski val

KI TI JE VA SANJE

rujan1

Na stare postelje so bieli kušini
lancun od faneli i ti.
Opet prišla san kasno i gledan ti spiš
kako liepi anđelić, kako bieli anđelić

Va sanje smejiš se i mašeš z rokami
ja nisan te tela budit
Potiho sna legla i va škuren te gledan
ki sad ima te, ki sad s tobon je

        Kega sanjaš ki je s tobon
        kad ja nisan doma, bin tela znat
        Kega sanjaš ki ti je va sne, forši sanjaš mene.

Sanjiv sav na lahko ti z ruokon me išćeš
kuntenat, aš ja san tu
A ja činin se da spin i pitan se sve
jali forši sanjaš mene, jali forši sanjaš mene 

Pak san te bušnula i pokrila z lancunon
da mi još ne naziebeš
Bušnu si me nazad i stisa se va me
sad znan zač volin te, sad znan zač volin te 

        Kega sanjaš ki je s tobon
        kad ja nisan doma, bin tela znat
        Kega sanjaš ki ti je va sne, forši sanjaš mene.

        A forši i ne.

napisano pod: Naše kanti
Jedan Komentar na

“KI TI JE VA SANJE”

  1. endry kaže (4. rujna 2009. u 17:55 - ):

    a jooooj…ma smo sentimentalni…:-)

 
Naši kanali YouTube kanal Twitter kanal