GRRINTA

Slike z rođendana!

tubak — Mon, 02 Aug 2010 21:27:29 +0000

GRRINTA ima 1. ruojsni dan!

tubak — Sat, 31 Jul 2010 16:00:29 +0000

GRRINTA na Radio PULI

tubak — Tue, 22 Jun 2010 13:05:01 +0000

Eko, pozvani smo na Radio Pulu da rečemo par besied o nami! Utorak 22.06.2010. na 20:05 ur navečer, zajno pokle Vijesti ćete nas moć čut! I naši glasi i kakovo pjesmico, nu, kad smo već tamo, a imajo i radijo na radie! Se slušamo. QQ

Podijeli - Share

Fani va slikah : )

tubak — Wed, 14 Apr 2010 22:48:02 +0000

Eko naši dragi fani, smo van pronatli malo već slikic od Merikan 10.04.2010. (Mordor). Fešta je bila prekrasna. Hvala svine Van ki ste s nami pasali još jeno liepo večer, vero nuoć. Bi reć da je i ovako dobro, aš svi da so kuntienti. Pak nu ubajdite po slikah kako je bilo, i vidimo se na sljedećen koncertiće. QQ.

P.S.
Veliko hvala Prijateljima na svesrdnoj pomoći u našen probitku ka zvjezdama : )

Podijeli - Share

GRRINTA i Prijatelji 2. dio

tubak — Sat, 10 Apr 2010 17:38:46 +0000

EKo, ku je ki riva preskočit naš i prijateljski koncert pasani pietak va Orbane, to suboto na 10.04.2010. morete čut 2. dio mega performansa GRRINTA + Prijatelji LIVE Band = GRRIJATELJI.
Pasajte, aš ulaz je za nič, cuga ča i za nič, a zabava takova da se to ne more platit!
Dajte si QQ i se vidimo!

Podijeli - Share

Na Veli pietak probijamo lied!

tubak — Wed, 31 Mar 2010 19:11:51 +0000

Alo ljudi, veseli, živi i zdravi bili! Za nas je finila korizma, imeli smo dvije pruovi i sad smo pruonti za novi koncerti, nastupi i afteri! Se fanice i fanovi čujte: GRRINTA iz beck! A kako se sad to čuje, ćete muorat prit posluhnut ta pietak, i to ne bilokakuov, nego Veeeli pietak, 02.04.2010. va Orbano kade ćemo sost uz Prijatelji LIVE band, cremé de la cremé od žminjskeh bendi! Ki ne pride će pokle muorat iskat po fejsbuke, a ku ne najde će mu bit žal! Zato rezervirajte soje mesto već danas, aš da će bit veli konfužiuon na veli pietak va velen Žminje, z najveći bendi!

Podijeli - Share

Zadnji dani smo opet živi, brižni!

tubak — Mon, 01 Mar 2010 11:59:16 +0000

Malo smo se polevali, bi reć da se dih prolića čuje va arie! Homo po neken riede! A znate ča buode kad ni rieda, va brajdah!
Na Radio Istre so nas stavili na top listico Lojtrico i pičimo kako veli yo-yo, gore-dole, pak vas zovemo da nan date kakuov glas, suboto va emisije, ili priek interneta. To suboto so poli Merikan (Mordor) sopli The Night Expressi Banda, i kako se Grrinta našla na kupe, smo zasvirili malo, i drago nan je da nas niste zabili, i svi vi ki ste bili tamo, vi ste nan super, anke Dejo! Pozdravit ćemo i Rekonstrukcijo (Cik Cik Biserka – rock’n'roll : ) buduć da so i oni suboto sopli malo, a neki Grrintavci so sopli š njima. Uglavnon, Hvala Expressci!

Buduć da je Dejeta ćepala slava na “više razina” Grrinta je napravila par avanzamenti. Priša nan je Robi Filić ki biva toliko blizu studija kade Grrinta ima pruovi da se je samo kroz ukno navadi sve pjesmi, pak je bi logičan izbor da uskoči va bends, i sad sviri bass gitaro, Tubak je ša kantat i sost gitaro, a Ratko se službeno promovira va bek vokalistera ki zna nešto sost i rimoniko, jeno malo, jušto šiest črneh i šešnajst bieleh! Večeras so prve pruovi va te kombinacije pak ćemo videt kako će se ponest. A Dejo? Dejo će prit kad riva! : )

Z MIK-a se još niso javili pak ne znamo nič, ali ku se ne jave do srijedi ćemo hi zvat! Je škoda da tako dobra pjesma buode va kašetine! Je tako?
Ljudi moji dragi dajte si kuku i čuvajte se grruot!

Podijeli - Share

Malo da obnovimo

tubak — Sun, 14 Feb 2010 11:36:59 +0000

Dragi naši, malo smo se zatihnuli zadnjeh dan, aš svega delamo! Svirimo, snimamo, kantamo i pišemo za pršut i drugo! Malo smo kako gosti sopli va Orbane, malo po doma malo naokolo, i kako nima baš smisla pisat za nazad, znajte da delamo i da ves niećemo zabit.

Podijeli - Share

Prontievamo se za MIK

tubak — Thu, 14 Jan 2010 16:47:41 +0000

Ja, isitna je, se prontievamo za MIK i to ne onaj tvuoj i impozantan, već oni sa melodijami od Istri i Kvarnera. Buduć da ne smije nič jako bit napišeno i odkantano dok se ne dozna ki će puoć na MIK, ne Van moremo nič reć, ali čin buodemo znali već dobit ćete pjesmi za čut.

Dajte si kuku pak ćemo se čitat, nu! Ala.

Podijeli - Share

Dočekajmo Božić skupa

tubak — Wed, 23 Dec 2009 08:29:44 +0000

O ljudi! Sveh Vas zovemo da pridete va Merikane, h Modrušanon, ta četrtak 24.12.2009. da liepo si skupa dočekamo tega Božičića. Ku Vi buodete od volji ćemo bit i mi, pak forši anke ča zasopemo, a forši i zakantamo! Prridite!

Podijeli - Share