Ča biš da ti pride, jedan put, nikad takova
Da ti samo na lahko, onako za škerac, zmieša slova

Pak da bolje čuješ, pak da bolje vidiš,
magari pensaš da imaš velike uši
Triebaš smijeh, ti triebaš radost
nemuoj puštit da život te guši

      Pak ću kantat pomalo da me čujo svi
      Zapoštajte ča van guorin, aš sve smo videli
      Kad si sam i kad si mučan i kad te stisno svi
      sve je laglje kad so stobon, pravi, pravi prieteli.

A opet da ti pride, jali biš pozna, da sve dela za te
Samo na te pensa, te riva napred i veruje va te.

Pak provaj je ziet, pak provaj puoć van
magari će reć da imaš velo guzico
ma prieteli, te moro gledat do jutra,
aš pravi prieteli te gledajo znuotra.

Podijeli - Share

Se domišljaš kad smo kako dičina diviertit se znali
kumpanija je vajk bila na prven meste
i za njo bimo sve bili dali.
Nismo imeli mobiteli kako ta današnja mladetina
na 8 i puol smo se našli pod urehon i popili par deci vina

      Doma so nan dali 20 kun za van,
      (ma onda so bili dinari zrman)
      a ni to nan ni rabilo aš smo znali uživat.

                Kad se je zaškurilo, krali smo trukinjo,
                magari smo znali da nas ljudi proklinjo.
                Bežali smo valje do Zvanićeve ugradi,
                staknuli brzo i pojeli da se ne uhladi
                i da nas ki ne ćapa i zavrne vrat

Bilo je liepo dokle nas čovik čigova je trukinja ni ćapa,
svakemu je zatuka jedan kopun, doma nas poveda
pa smo dobili još dva.
Za fat tega mi smo i dalje klasi krali,
malo već va strahe i bolje smo bežali.
Z guzici va glavo nikakor da poje,
ustali smo dica, forši i bolje.

      Doma so nan dali 20 kun za van,
      (ma onda so bili dinari zrman)
      a ni to nan ni rabilo aš smo znali uživat.

                Kad se je zaškurilo, krali smo trukinjo,
                magari smo znali da nas ljudi proklinjo.
                Bežali smo valje do Zvanićeve ugradi,
                staknuli brzo i pojeli da se ne uhladi
                i da nas ki ne ćapa i zavrne vrat

      Ma nan je bilo liepo, liepo nikad lepče.

Podijeli - Share

San se pronta, san se pronta da grijen va Žminj
Kako svako drugo srijedo, va svaken mesece.
San se pronta, san se prunta puoć na  samanj,
na tripi puli Fumici i američke frituli.

Ma nis riva aš daš me je ćapa,
a steši san pensa, da forši padat će prestat

      I onda san skuži kako z vedrega neba
      Samanj je fini a još ni nnke poče
      Adijo tripići adijo frituli
      Ki će zdurat još mesec dan.

San se pronta, san se pronta poć na kafe
I kupit si one falši od marki patiki
San se pronta, san se pronta  puoć na samanj
Na tripi puli Fumici i na pečeni  piplići.

Ma nis riva aš daš me je ćapa,
a steši san pensa, da forši padat će prestat.

      I onda san skuži kako z vedrega neba
      Samanj je fini a još ni nnke poče
      Adijo tripići adijo piplići
      Ki će zdurat još mesec dan.

Podijeli - Share

Sunce još ni zašlo van, ma z pustelji ja san ša.
Aš danas je veli dan, aš danas ja kombajnan.

Oveh par šetiman, i forcan dokle je dan
aš prvo noći ja ću prit, još ću i rivat poć pokosit.

      Ja kombajan, ja kombajan
      Ja kombajan, ja kombajan
      Dvajspiet žurnad va jedan dan
      ku poforcan ja kombajan
      Pa se štiman.

Sunce još ni zašlo van, ma z pustelji ja san ša.
Aš danas je veli dan, aš danas ja kombajnan.

Palin beštijo, pali z prve, a levat more iz druge
I svi mi biro vade van, aš znajo da ja kombajnan.

      Ja kombajan, ja kombajan
      Ja kombajan, ja kombajan
      Dvajspiet žurnad va jedan dan
      ku poforcan ja kombajan
      Pa se štiman.

Podijeli - Share

Hej prietelo muoj vidin da ti ni najbolje,
ma ča te tako muči ma če to kopa?

Ma pušti me ća,ča ne vidiš da pensan,
i da san mučan cijeli dan aš me je puštila

Da je ča hujega već san para
Ma ča ćeš hujega od tega
Pogliej ča je liepeh žienskeg na oven sviete
- glavo gore i kuraja!

      Daj si ku ku,daj si kuraja,
      daj si ku-ku  daj si kuraja
      Daj si ku ku daj si kuraja,
      prietelo muoj,daj si kuraja.

Hej prietelo muoj vidin da ti je još huje,
opet neka gabula ma ča te to tenta?

Ma vrah ga je da opet me kopa,
zato san mučan cieli dan aš se je uženila.

Da je ča hujega već san para
Ma ča ćeš hujega od tega
Pogliej ča je liepeh žienskeg na oven sviete
- glavo gore i kuraja!

      Daj si ku ku,daj si kuraja,
      daj si ku-ku  daj si kuraja
      Daj si ku ku daj si kuraja,
      prietelo muoj,daj si kuraja.

Podijeli - Share

Reči njie da ne grie,
Reči joj nešto, bilo ča
samo da se pofrma,
samo da je vidiš još
jedan put.

Znat ćeš pokle osan dan.
Kada buodeš zusta sam
da si trieba nešto reć
ni premalo, ni preveć
samo tiho kako daž
slušaj sad.

      Ti si mene, kako južina na puolne
      Ti si mene, kako bira pokle pici,
      Ti si mene na sviete sve i već
      sve to, moga san ti reć
      Al nisan se domisli

Ni dobro da si muča
Ni dobro da ona ne zna
da se nekad va glave
sve frma i da ne grie
beseda van.

Va Žminj je priša i samanj
ti si poli štand od maj
kad pasaš ja sve već znan
reć ću ti ča ja pensan
reć ću ti da ljudi vide
sve ča mi pride.

      Ti si mene, kako južina na puolne
      Ti si mene, kako bira pokle pici,
      Ti si mene na sviete sve i već
      sve to, pronta san ti za reć,

      lažen, na brzino san se zmisli!

Podijeli - Share

Milka je bila divojčina,
bila je šezdesiet i neka.
Zvane je bi otročina,
bijela stomanja i luše brageši.

Svako nedeljo, Zat kaštela,
va Žminje bi je plies,
Zvane je Milko ćepa pod ruoko
i počeli so pliest.

      Pleti, pleti Zvane, pleti, pleti Milka
      počelo se guorit, oni će se oženit
      Pleti, pleti Zvane, pleti, pleti Milka
      ni se više moglo skrit, vi ćete se oženit.

Prišla so dica, pasala so leta,
parti je fićo, priša je Golf,
A’ va nedeljo Milka je znala
pokle maši žiensken si reć.

Speć ću paštine, skuhat ću sarmi
sest ćemo skupa i liepo si jest,
a pokle na osan gremo va Žminj,
Zvane me pelje na plies.

      Pleti, pleti Zvane, pleti, pleti Milka
      počelo se guorit, oni će se oženit
      Pleti, pleti Zvane, pleti, pleti Milka
      ni se više moglo skrit, vi ćete se oženit.

      Obrni je Zvane, obrni se Milka
      ni se više moglo skrit, vi ćete se oženit.

Podijeli - Share

Na stare postelje so bieli kušini
lancun od faneli i ti.
Opet prišla san kasno i gledan ti spiš
kako liepi anđelić, kako bieli anđelić

Va sanje smejiš se i mašeš z rokami
ja nisan te tela budit
Potiho sna legla i va škuren te gledan
ki sad ima te, ki sad s tobon je

        Kega sanjaš ki je s tobon
        kad ja nisan doma, bin tela znat
        Kega sanjaš ki ti je va sne, forši sanjaš mene.

Sanjiv sav na lahko ti z ruokon me išćeš
kuntenat, aš ja san tu
A ja činin se da spin i pitan se sve
jali forši sanjaš mene, jali forši sanjaš mene 

Pak san te bušnula i pokrila z lancunon
da mi još ne naziebeš
Bušnu si me nazad i stisa se va me
sad znan zač volin te, sad znan zač volin te 

        Kega sanjaš ki je s tobon
        kad ja nisan doma, bin tela znat
        Kega sanjaš ki ti je va sne, forši sanjaš mene.

        A forši i ne.

Podijeli - Share

Ku si pravi ćo hitat va te groti
Ku nisi pravi ćo hitat va te groti
Aš na sviete nikad ni, kako bi triebalo bit
i dokle go da si živ ti bit ćeš krif.

Ku si liep ćo hitat va te groti
Ku si grd ćo hitat va te groti
Aš kamo god da grieš, ča god da ćeš storit,
ti groti va glavo ćeš dobit

reff.  Tako će bit dokle si živ,
        Tako će bit

Ku si bogat, ćo hitat va te groti
Si siromah, ćo hitat va te groti
Ča god da storiš,ča god da pensaš
ti groti va glavo vajk ćapaš

Aku delaš, ćo hitat va te groti
Ne delaš nič, ćo hitat va te groti
I dokle god da si živ ti kapit niećeš nič,
ku je dobro ili slabo ono ča delaš ti
Ku si pensa bežat oni ćo te ćapat
i z grotami ćo te babuljat

Podijeli - Share

        Tamo gore blizu Žminja biva jena liepa minja
        Ima nogi do poda i dokle hodi ona ćakula…

Zad kaštela san jo vide
Po lete vajk na pliesi čuda ljudi pride
I ona je mane ošervala
Ja tie san prit do njie ma zajno je ćakulala
Ona se je va me namurala a vero s manun se je i kuntentala
Pa mi se tuoži da se već dugo, z neken ni valje tako rasćakulala

Ref. Tamo gore blizu žminja biva jena liepa minja
       Ima nogi do poda i dokle hodi ćakula
       I ćakula toliko da te razboli glava
       I ćakula toliko da nje se zajik zapetlja 

Va Žminje ima najlepči smieh
I bieli zuobi kako snieh
Ima vlasi do guzici
I taketi na veli špici

Ja san jo strašno tie bušat
Samo ku fini ćakulat
A ona se ni pensala frmat
I ja već nisan moga pacentat

Podijeli - Share