CD pretpretpretPremijera / SexyDisco zabava, a ča je to? To znači da ćemo na našen koncerte imet SexyDisco lajtšou ki će dat filing zabave. A ova pretpretpretPremijera, znači da će do izlaska CD-ja bit tri pret i jena Premijera, a vi ćete na vrijeme čut za sve te SexyDisco zabave.
Započinjemo sa promocijom našega prvega CD-ja, službena pretpretpretPremijera ima bit 15.10.2010. va nan najdražen pazinsken kulturnen sakupljalište ONYX, na Štranjge, tr znate kade je. Sve to drugo ni prvo.
Eko’la mama, to je naš korason! Hitili smo i prvi pravi video! Do sada smo imali videoslikagaleriju sa pjesmicon Daj si kuraja, a sada smo već napravili i video, ja, ni spot, ali je blizu, blizu! To je jušto jeno malo “omaž” našin fanovima i da vidite da se ne šalimo. Naš novi singl Dana je držala stražo, a morete jo čut sako suboto z ranega jutra na domaće top liste Radija Pula. Kompletan materijal je snima Klaudio (uz pomoć seh teh drugeh), a to je bilo pred leto dan (09/2009)! Naš prvi, prvi, pravi, još djevičanski koncert va Magnuse va Žminje. Indikativno je, dou, da je na ten koncerte bi i naš Robi, veli plesarin, ki ni nanke sanjat moga oniput da će od seh ljudi jušto uon bit naš član samo par meseci pokle! Ča ti je mižierija! Uživajte va videe (niećemo ga još zvat špot) i najavljujemo da je počela sezona od koncerti jesen/zima 2011, pak prontajte sojo najboljo WC prostorijo (toaletu), za puoć na Grrint’i.
Eko, pozvani smo na Radio Pulu da rečemo par besied o nami! Utorak 22.06.2010. na 20:05 ur navečer, zajno pokle Vijesti ćete nas moć čut! I naši glasi i kakovo pjesmico, nu, kad smo već tamo, a imajo i radijo na radie! Se slušamo. QQ
Eko naši dragi fani, smo van pronatli malo već slikic od Merikan 10.04.2010. (Mordor). Fešta je bila prekrasna. Hvala svine Van ki ste s nami pasali još jeno liepo večer, vero nuoć. Bi reć da je i ovako dobro, aš svi da so kuntienti. Pak nu ubajdite po slikah kako je bilo, i vidimo se na sljedećen koncertiće. QQ.
P.S.
Veliko hvala Prijateljima na svesrdnoj pomoći u našen probitku ka zvjezdama : )
EKo, ku je ki riva preskočit naš i prijateljski koncert pasani pietak va Orbane, to suboto na 10.04.2010. morete čut 2. dio mega performansa GRRINTA + Prijatelji LIVE Band = GRRIJATELJI.
Pasajte, aš ulaz je za nič, cuga ča i za nič, a zabava takova da se to ne more platit!
Dajte si QQ i se vidimo!
Alo ljudi, veseli, živi i zdravi bili! Za nas je finila korizma, imeli smo dvije pruovi i sad smo pruonti za novi koncerti, nastupi i afteri! Se fanice i fanovi čujte: GRRINTA iz beck! A kako se sad to čuje, ćete muorat prit posluhnut ta pietak, i to ne bilokakuov, nego Veeeli pietak, 02.04.2010. va Orbano kade ćemo sost uz Prijatelji LIVE band, cremé de la cremé od žminjskeh bendi! Ki ne pride će pokle muorat iskat po fejsbuke, a ku ne najde će mu bit žal! Zato rezervirajte soje mesto već danas, aš da će bit veli konfužiuon na veli pietak va velen Žminje, z najveći bendi!
Dragi naši, malo smo se zatihnuli zadnjeh dan, aš svega delamo! Svirimo, snimamo, kantamo i pišemo za pršut i drugo! Malo smo kako gosti sopli va Orbane, malo po doma malo naokolo, i kako nima baš smisla pisat za nazad, znajte da delamo i da ves niećemo zabit.
O ljudi! Sveh Vas zovemo da pridete va Merikane, h Modrušanon, ta četrtak 24.12.2009. da liepo si skupa dočekamo tega Božičića. Ku Vi buodete od volji ćemo bit i mi, pak forši anke ča zasopemo, a forši i zakantamo! Prridite!
Smo svirili va Orbane va Žminje suboto i sople so anke Zapeljivke, zapeljivkice male, a kantajo ko vele! Bilo je brdo ljudi i svi kunienti, definitivno su se iskristalizirali hitovi, a na vrh je skočila “Daj si kuraja”. A i te druge naše liepe pjesmice ludi već imajo rad! Škuro : )
Imamo i par slikic da vidite kako smo liepi svi skupa:
Podijeli - Share
