Podijeli - ShareŠeko Ekskluziva – Merikane
siječanj5
Na si Tri Kralji nabot 06.01.2012. ćemo imet probe na bine puli Merikan, aš to će nan bit zadnja pruova prvo nego ča suboto počnemo snimat 2. CD va naše fonografije! A kako će hodit va uho ti novi hiti pridi videt pietak na 23:14 z večera. QQ
Bartulja 2011 – opet
kolovoz22
Naslov guori Bartulja opet – to bi reć da je zadnji put kad smo triebali sost pada daž do tla, pak nas ni pušto zasost, a sad se šperamo da će bit bolje vrijeme, ku ja, ku ne, mi sopemo, pak kamo puklo da šlo! Kako ča gore se liepo piše, pietak, na dvajsetišiest angošta, jušto na devet ur z večera, sope GRRINTA, Kotkelsi i Lijida Bačić 🙂 Se gledamo!
GRRINTA ima 2. rođendan
srpanj26
720 dan pokle ča smo se našli, one mesečeve noći na 1. angošta 2009.-te, GRRINTA ima ruojsni dan, kako mali otročić smo se zatekovali od jene bine do druge, kalili smo se kako ćelik, i znali smo da prit će velik, ta zalet ča smo zieli. Svirili smo nebrojeneh koncerti (aš hi niedan ni broja), snimili i hitili van CD, još svirili, doživjeli smo razne metamorfoze, ali smo zavajk bili i ustali GRRINTA. Magari kad ste nas pitali zač Grrinta, mi bi najraj rekli: “A zač ne!?” I eko nismo se ni obrnuli štabelo, a već so pasala 2 leta, 2 veeela leta. Deboto smo punoljetni. Za 3. rođendan se šperamo da ćemo delat promocijo novega Albuma, zasad još nima ime, ali pjesme se pomalicon krgajo. Eniho! To nedeljo, na devet i dvajseti dva ur, puli Merikan va Mordore (Žminj) će bit Grrintadanski party. Svi ste pozvani, dobro voljo nosite Vi, a torto nosimo Mi. Pijačo nosi Tina. I naravski dress code: “Manje je više, samo dok je Sexy Disco! ”
I samo za kraj želimo reć da finalmente znamo i mi ča jušto pride GRRINTA.
GRRINTA je stanje duha!!! QQ
Merikane 22.04. – GENERALNO TESTIRANJE
travanj18
Liepi naši, pred dva meseca smo Van dali CD, sad je prišla kraj prolića i vireme je od maturanti i fani od GRRINTI. Ta pietak (big frrajdej) ćemo Van povedat ča je bilo torrak pred Vazaan, i ćemo videt ki će nan muorat tornat CD ku se ni štabelo sve pjesme navadi! Ti? A ti? Za te ne znan, ali želin verovat da sve znaš! QQ
Cerovlje za mačkari 2011.
ožujak8
So nas zvali da pridemo do Ceruovlja malo zasos’, i mi smo šli, a buduć da so bile mačkari, smo se i mi zamačkali jeno malico, ni bilo preveć ljudi, ma nan je steši bilo drago zasos, aš nan je dosta da hi je 20 i to je nan kako da hi je 10 000 > 20!
E da, srećno Van Valentinovo i uosmi marač! QQ
Smo imeli promocijo
siječanj8
Heee, heeej! Smo imeli promocijo CD-a, na 7 .1. puli merikan, i ma ke promocija je bila, kako da smo neki napro veli bend. Ljudi so si kantali s nami, a nanke još CD niso imeli, to je bi jedan šok anke za nas, nismo očekivali da ćete nas tako liepo dočekat. Ča će tek bit kad pridete ponovno na naš koncert, nanke me strah popensat aš će bit raštelamenat. Ubajdi sliki, ala.
Rovinj Music Festival
prosinac29
Hej, smo pasali na Rovinj Music Festival, pak smo zasvirili, na 29.12.2010. i bili smo super, a posebno zato aš smo sopli seh šiest na bot. RMF je bi super organiziran to leto i baš smo se dobro zabavili, to nan je ujedno bila i pretpretpremijera CD-a GRROTI, i jeno par kusi smo razdielili onema ki so pliesali, hitli smo najave, jedan CD smo čak poslali va Njemačko, sreća da smo stavili besedi na omot pak će znat pročitat ča kantamo. Buduć da je ova nastup bi i lagano natjecateljskega karaktera, mi dobili nismo nič, a za glasat si muora kupit neko kartico od 50 kn, pak smo rekli ljuden da ne rabi, da mi imamo sve i ne nan rabe nove nagrade, samo nan dajte bino! Va sien se, bilo je ljudi, i bilo je veselo, mi smo liepo, štabelo, jušto i dobro sopli, tako da po nan mi smo si bili najbolji!
ONYX Galerija ud slik’
